Tuesday, August 26, 2014

සැපට නිකන් සිටීම

පෝසතෙක් තමන්ගෙ නිවසට අල්ලපු මායිමේ රැකියාවක් නැතුව ,අඹුවක්, දරුවන් නැතිව බෝම පුංචි පැල්පතකට වී නිකම්ම කාලය ගතකරන අසල්වැසියා ගැන බොහොම කලකිරීමෙන් සහ දුකෙන් සිටිය. දුප්පත් මිනිහ වැඩිපුරම කාලෙ ගෙවන්නෙ ඔහුගේ නිවස අසලින් ගලායන ඇළපාරට කකුල දමාගෙන අසලගල්තලාවේ වැතිරගෙන අහස දිහා බලාගෙනය , මොහුගැන අනුකම්පාවෙන් සිටි පොහොසතා මෙය ඉවසාගත නොහැකි තැන දිනක් ඔහුව හමුවෙන්නට ගියා.. 
පොහොසතා : ඔහේ මොනවද මෙතන කරන්නෙ ?
දුප්පතා : නිකන් ඉන්නවා.

පොහොසතා :ඇයිනිකන් කාලෙකකා ඉන්නෙ ඔබේ ජීවිතයගැන ඔබට දුකක් නැද්ද, ප්‍රයෝජනවත් වැඩක් කරානම් නරකද , මම බිලීපිත්තක් ගෙනාව ඔහේට තෑග්ගක් හැටියට.
දුප්පතා : බිලීපිත්තක් ; ඒමොකටද?

පොහොසතා : නිකන් ඉන්නෙ නැතිව මේ ඇළෙන් මාලු අල්ලන්න පුලුවන්නෙ.
දුප්පතා : අල්ලලා.

පොහොසතා : ඔබට මාලු ආහාරයට ගන්න පුලුවන්නෙ , ඒකෙන් ඔයාගෙ ආහාර අවශ්‍යතාවය සැපිරෙනව.
දුප්පතා : ඊට පස්සෙ ?

පොහොසතා :වැඩිපුර මාලු විකුණන ව්‍යාපාරයක් පටන්ගන්න පුලුවන්නෙ.
දුප්පතා : ඊටපස්සෙ ?

පොහොසතා :පස්සෙ තව සේවකයෙක් වැඩටගන්න පුලුවන් මාලු අල්ලන්න . මුලින් බයිසිකලයක් අරන් මාළු විකුණලා, පස්සෙ ලොරියක් ගන්න පුලුවන්. ඉතින් දුර පළාත් වල එහෙම ගිහිල්ල මාලු විකුණන්න පුලුවන් .
තවත් සල්ලි හම්බ කෙරුවාම මුහුදට ට්‍රොලර් දාල මාළු අල්ලලා මාළු පිට රට පටවන ව්‍යාපාරයක් පටන් ගන්න පුලුවන්නෙ.
දුප්පතා :ඉතින් ඊට පස්සෙ ?

පොහොසතා: අවුරුදු 10 ක් විතර යනකොට ඔයාගේ ව්‍යාපාරයේ සාර්ථකත්වය නිසා ඔයාගෙ ගෙදරටම සල්ලි ගලා එයි .මහන්සිවෙන්න දෙයක් නෑ.
දුප්පතා : ඊටපස්සෙ ?

පොහොසතා: ඊටපස්සෙ කාල බීල ගෙදරට වෙලා නිකන්ම ඉන්නපුලුවන් .
දුප්පතා : නිකම් ඉන්නනම් ඔච්චර නහින්න ඕනෙයැ, මම දැනුත් ඉන්නෙ නිකම්මනේ.

Monday, August 18, 2014

තීරණය ඔබ අතේ




දැඩි මීදුමක් තිබ්බ රාත්‍රියක ලොව ප්‍රබලම නාවික හමුදාවට අයත් එක් නැවක නිරීක්ෂක නැවියෙකු ඈත මුහුදේ එළියක් දැක අනතුරුදායක ලෙස තවත් යාත්‍රාවකට ලංවන බව සිතුවේය. එය නැවේ කප්පිත්තාට දැන්වීමෙන් අනතුරුව කපිතාන්වරයා රේඩියො මාර්ගයෙන් එලිය දිස්වන වස්තුව හා සම්බන්දවී පහත් සංවාදයේ නිරත විය.


~කපිතාන්- මම ඉල්ලා සිටිනවා ඝට්ටනයක් වැළැක්වීම සදහා ඔබගේ ගමන් මාර්ගය අංශක 15 කින් උතුරට වෙනස් කරනා ලෙස .


*අනෙත් පාර්ශ්වය - කරුණාකර ඔබගේ ගමන් මාර්ගය අංශක15 කින් දකුණට වෙනස් කර ඝට්ටනය වළක්වා ගන්නෙ නම් මැනවි.

~කපිතාන් - මම නිර්දේශ කරනව ඔබගේ ගමන් මග වෙනස් කරන ලෙසට .

*අනෙත් පාර්ශ්වය - බැහැ , මමනැවත ඉල්ලා සිටිනවා ඔබගේ ගමන් මාර්ගය වෙනස් කරගන්නා ලෙස.

~කපිතාන් - උඹ මාත් එක්ක සෙල්ලම් කරනවද .. මේ ලෝකයේ තිබෙන ප්‍රබලතම නාවික හමුදාවේ අත්ලාන්තික් නාවික බල ඇණියේ දෙවන විශාලතම නැව. මෙය ප්‍රහාරක ගුවන් යානා ප්‍රවාහන නව්කාවක් . මෙම නව්කාවේ ආරක්ශාවට ප්‍රහාරක යාත්‍රා පහක් නව්කාව වටේ ගමන් කරනවා. මම නාවික හමුදාවේ ජේෂ්ඨතම අද්මිරාල් වරයෙක් . මම නැවත ඔබට නියෝග කරනවා ඔබගේ ගමන් මාර්ගය අංශක15 කින් උතුරට වෙනස් කරන ලෙස .

*අනෙත් පාර්ශ්වය - මේක ප්‍රදීපාගාරයක් ,මම ප්‍රදීපාගාරය ක්‍රියාකරවන්නා . හරවනවාද නැද්ද යන තීරනය ඔබේ අතේ.....

බයිසිකලේ කෝ ....

 මගෙත් අනිත් දේවල්වලට හොට දැමීම බොහොම ඉහලයි අහලින් පහලින් ඇහිච්ච කතාවක් මේ

ස්ටෑන්ඩ් එක ගාව මනුස්සයෙක් කෑගානව මේම " කවුරු හරි කමක්නෑ ගත්ත එකෙක් දීපියව් , ඇයි යකෝව් මම කඩේය ගියපු ටිකට කව්ද යකෝ මගේ බයිසිකලය උස්සන් ගියපු එකා . මොකා උනත් ගෙනත් දීපියව් ... ගිය මාසෙ පිටකොටුවේදි වෙච්ච වැඩේ එහෙම වෙන්න තියන්න එපා .. 
කාගෙ වුනත් හොදට කියන්නෙ මොකාහරි දැක්කනම් මගේ බයිසිකලේ ගත්තෙ මොකාද කියල මටකියපියව් , නැත්තන් ගෙනත් දීපියවු... නැත්තන් ගියමාසෙ පිටකොටුවෙ වෙච්ව්හ සිද්දිය ආයෙ වෙයි" ... මූ ආයෙම ඒම කියනව ... මට මාර අවුල මම ලංවෙලා මේම ඇහුව..

: ඇයි අයියෙ , පිටකොටුවේදි මොකෝ වුනේ?..
: නෑ මල්ලී, එහෙදි නැති වෙච්ච බයිසිකලෙත් හම්බවුනේ නෑනෙ ........ 

පොඩි පිරුළක් ඔන්න :)

ආශ්චර්යේ නූතන ප්‍රස්තාපිරුල....
චීනෙන් ණයට අරන් පලස්තීනෙට පිනට දුන්න වාගේ...